لە بەرەبەری دەسپێكی وەرزی خوێندنی ساڵی نوێدا بەرپرسانی پارێزگای ورمێ دەڵێن ئەو پارێزگایە پێویستیی بە ٦٨٠٠ پۆلی نوێی خوێندن هەیە.
ئیبراهیم محەممەدی، جێگری بەشی پلاندانان و هێزی مرۆیی لە ئیدارەی فێركردن و پەروەردەی پارێزگای ورمێ ڕایگەیاند كە ئەگەر ئەو ٣٨٠٠ پۆلەی خوێندن لە پارێزگای ورمێ زیاد بکرێ، جا ئەو کات هاوسەنگییەک لە نێوان پۆلەكانی خوێندنی پارێزگا لەگەڵ نێونجی ئێران دروست دەبێ.
لە قسەکانی ئەو بەرپرسە دەردەکەوێ کە پارێزگای ورمێ وەک بەشێک لە کوردستان چەند لە ئیمکاناتی پەروەردەیی بێبەشە و لەچاو ناوچەکانی دیکەی ئێران دواکەوتووە.
قارەمان ڕەحمانی، بەڕێوەبەری گشتیی نۆژەنكردنەوە، گەشەپێدان و دابینكردنی كەلوپەلەكانی قوتابخانەكانی پارێزگاتی ورمێش دەڵێ ٤٧٠٠ پۆلی خوێندن لە كۆی گشتیی ٢٥ هەزار پۆلی ئەو پارێزگا پێویستیان بە قایمكردن و توندوتۆڵكردنەوە هەیە.
ناوبراو دەڵی دابیننەبوونی و تەرخان نەكرانی ئیعتبارە دەوڵەتییەکان لە كاتی خۆیدا گرینگترین هۆكاری دواكەوتنی پڕۆژەكانی پەروەردەیی لەو پارێزگایەن.
ئەو کاربەدەستەی ئیدارەی پەروەردە و فێرکردن دەڵێ بڕی بوودجەی پەسندكراوی ئیدارەی گشتیی پەرەپێدان، نۆژەنكردنەوە قوتابخانەكانی ورمێ لەم ساڵدا ٤٧ میلیارد تمەنە، کەچی سەدی ١٠ی ئەو بودجەیەش نادرێتە دەست ئەو ئیدارەیە.
