هاوكات لەگەڵ ململانێی ڕێکخراوەی كرێكاری و دەوڵەت لەسەر لایەحەی ریفۆرمی قانوونی كار، چالاكێكی كرێكاری دەڵێ سەدی ٩٠ی كرێكارانی ئێران ئەمنیەتی شوغڵییان نییە.
حەسەن سادقی، سەرۆكی یەكیەتیی پێشكسوەتانی كرێكاریی ئێران دەڵێ ئەو لایەحەیە لە پێناو “دابینكردنی بەرژەوەندیی وەبەرهێنەران و بێبەشكردنی كرێكاران لە مافە سەرەكییەكانیان”ە.
عەلی ڕەبیعی، وەزیریتەعاون، كارو خۆشبژێویی كۆمەڵایەتی ئێرانیش نایشارێتەوە کە سیاسەتەكانی ڕێكخستن، بووەتە هۆی ئەوەی كە ئاستی بێكاری بەرزبێتەوە و ئەمنیەتی شوغڵی زیاتر بكەوێتە مەترسییەوە.
لە لایەكی دیكە فەتحۆڵا بەیات، سەرۆكی یەكیەتیی كرێكارانی گرێبەستی و پەیمانی لەم پێوەندییەدا بە هەواڵدەریی مێهری ڕاگەیاندوە كە زۆربەی كرێكارانی ئێران ئەمنیەتی شوغڵییان نییە.
بەقسەی ناوبراو، خاوەنكاران و دەوڵەت لە قانوونی كار بۆ پێناسەی كاری كاتی كەڵكی خراپی وەرگرتووە و لەو کارانەشدا کە بەردەوامیان هەیە، گرێبەستی كاتی بە کرێکاران ئیمزا دەكەن.
بەیات وێڕای ئاماژە بەوەی كرێكارانی ئەو كارگەیانەی خواروو ٥٠ كەس و بازاڕی، یان گرێبەستیان نییە یان گرێبەستەکانیان ٣ تا ٦ مانگە و سەدی ٩٠ كرێكارانی ئێران گرێبەستی كاتییان هەیە.
بەقسەی ئەم چالاكە كرێكارییە نەبوونی ئەمنیەتی كار نیگەرانیی زۆری بۆ كرێكاران و بنەماڵەكانیان پێکهێناوە.