عەباس جەعفەری، دادستانی تاران ڕایگەیاند کە لە سەر بنەمای ڕاپۆرتەكانی هەیئەتی لێكۆڵینەوە و پێڕاگەیشتنی مەجلیسی شورا لە بنیادی شەهید، بەڕێوەبەری گشتیی پێشووی بانكی دی دەسبەسەر كراوە.
گەندەڵی و دیارنەمانی ١٧٠ میلیارد تمەن لە داراییەكانی بانكی “دی” و سەردەرهێنانی بەشێک لەو پووڵە لە سەڕافییەكانی پێوەندیدار بە ناوبراو لە دوبەی چەند بەشێک لە پەروەندەی ناوبراوە.
دەوڵەت ئابادی، ڕۆژی سێشەممە ١٦ی خەرمانان لە پرێس کۆنفڕانسێکی دەزگای قەزاییدا باسی لە دەسبەسەركرانی بەڕێوەبەری گشتیی پێشووه بانكی “دی” كرد و گوتی گەندەڵی ماڵیی ناوبراو پێوەندیی بە بینادی شەهیدەوە هەیە.
لە سەرتای مانگی گەلاوێژی ٩٢ مەجلیسی شورای ئیسلامی پێداگریی لەسەر لێكۆڵینەوە و پێڕاگەیشتن بە بنیادی شەهید كرد بۆ نموونە ئاماژە بە ناشەفافبوونی باری دارایی و بوونی باندە گەورەكانی ئابووری لە بنیادی شەهید و ئاشكرابوونی گەندەڵییەکی ١٥ میلیارد تمەنی و بەملاو ئەولادادانی زیاتر لە ١٧٠ میلیارد لە دارایی بانكی دی لە سەڕافییەكانی ئیمارات كرا، کە ئەو کات دەسبەسەركرانی كۆمەڵێك كارمەندی ئەم بانكە و هەروەها ڕاكردنی كۆمەڵێكی دیكە بۆ دەرەوەی وڵاتی لێكەوتەوە.
سەرەڕای ئەم هەمووە، مەجلیسی نۆهەم، لێكۆڵینەوە و پێڕاگەیشتن بە پەروەندەی دزی و گەندەڵی ئابووری لە بنیادی شەهیدی بە بەشی ئارشیڤ سپارد و پەروەندەکەی داخست.
یەکێک لە ئەندامی كومیتەی لێكۆڵینەوە و بەدواداچوون لە پەروەندەی گەندەڵییەکانی بنیادی شەهید، هلەگەڵ هەموو ئەوانەی باس کران، باسی لە حەیف و مەیلكردنی نزیك بە ٣٣٦ میلیارد تمەن لە سەڕافییەكانی پێوەندیدار بە بانکی “دی” دەكا و دەڵێ تەنیا لە یەك مەعامەلە لەم سەڕافییە ٤٢٠ میلیۆن درهەمی ئیمارات كڵاوبەردرای كرا.
