ئامریكا پشتیوانیی لە هەڵوێستی توركیە لە بەرامبەر هێزە كوردییەكانی ڕۆژاوای كوردستان كرد و گوتی کوردەکان دەبێ بۆ ڕۆژهەڵاتی فورات بكشێنەوە.
توركیە هاوکات لەگەڵ ئەم داوایە لە ئەمریکا ڕایگەیاندوە کە ئامریكا دەبێ پێداچوونەوە بە سیاسەتی پشتیوانی كردن لە كوردەكانی سووریەش بكا.
جۆبایدێن، لە پرێس‌کۆنفڕانسێکی هاوبەش لەگەڵ ئێبنی عەلی ئیلدیریم، سەرۆك وەزیری توركیەدا گوتی ئەمەمان زۆر بە ڕوونی بە یەپەگە گوتوە كە دەبێ بۆ ئەم دیوی ڕووباری فورات بێنەوە و ئەگەر ئەوان پێبەندی بەڵێنییەكانی خۆیان نەبن، ئەمریکاش ئیدی بە هیچ شێوەیەك پشتیوانییان لێ ناكا.
ئێبنی عەلی ئیلدیریم، سەرۆك وەزیری توركیەش گوتی ئامریكا دەبێ پێداچوونەوە بە سیاسەتی پشتیوانی كردن لە هێزەكانی یەپەگە بكا.
ئێبنی عەلی ئیلدیریم پێداگریی كردەوە كە توركیە ناتوانێ وڵاتێكی سەربەخۆی كوردی لە نێو خاكی سووریە و لە تەنیشت خۆیدا قەبووڵ بكا و دەڵێ ئێمە یەكپارچەیی خاكی سووریەمان دەوێ.
سەفەری بایدێن بۆ توركیە هاوكاتە لەگەڵ دەسپێكی عەمەلیاتی هێزەكانی توركیە لە خاكی سووریە. توركیە دەڵێ دەمانەوێ هێزەكانی داعش لە شاری سنووریی جرابلۆس وەدەربنێین، بەڵام هاوکات هێرشی کردۆتە سەر کوردکانی ڕۆژاواش. هاوکات سووریەش ئەم عەمەلیاتەی تورکیەی بە پێشێلكردنی ئاشكرای سەروەریی نیشتمانیی خۆی لە قەلەم داوە.
