دادستانی گشتیی شاری ئیستانبول داوای كردوە كە حوكمی ٥ ساڵ زیندان بۆ هاوسەرۆکی حیزبی دێموكراتیكی گەلان و یەكێك لە قانووندانەرانی لایەنگری كوردەكانی باكوور بە تۆمەتی پڕۆپاگەندە بۆ حیزبی كریكارانی كوردستان بڕیوەتەوە.
ئەم بەدواداچوون و دژایەتیكردنە دژ بە پارلمانتارەکانی حیزبی دێموكراتیكی گەلان لەو كاتەوە دەستی پێ كردوە كە مافی پارێزراویی پارلمانتاران هەڵگیرا و چاوەدێران دەڵێن ئەم بەدواداچوونانە گرژی و ئاڵۆزیی زیاتر دەخاتە نێو توركیەوە.
بەپێی ئەم ڕاپۆرتە دادستانی ئیستانبول، سەلاحەدین دمیرتاش ڕێبەری ئەم حیزبی دێموكراتیكی گەلان و سووری سوڕەیا و ئۆندر جێگری ئەم حیزبەی بە ئافەرین گوتن بە ئۆجالان لە ساڵی ٢٠١٣ كاتێك كە ڕەوتی ئاشتیی نێوان ئانكارا و حیزبی كرێكارانی كوردستان لە ئارادا هەبوو، تاوانبار كرد.
ڕەجەب ئەیب ئەردۆغان، سەركۆماری توركیە حیزبی دێموكراتیكی گەلان بە باڵی سیاسیی پ ک ک تاوانبار دەکا، ئەمەش لە حاڵێك دایە كە حیزبی دێموكراتیكی گەلانی توركیە حاشا لە پێوەندیی ڕاستەوخۆی لەگەڵ پ ك ك دەکا.
