5 كەسی دیكە لە بەحرەین كە لە ئێران و عێراق ڕاهێنانی نیزامییان بۆ كراوە لە هەڵمەتێكدا لە لایەن هێزە ئەمكنیەتییەكانی بەحرەین دەسبەسەر كران.
بەحرەین ئەوە چەنەیەمین جارە كۆماری ئیسلامیی ئێران بەهۆی دەستێوەردان لە كاروباری وڵاتەكەی مەحكوم دەكا.
بەپێی ڕاپۆرتی هەواڵدەریی ڕۆیتێرز لە هەڵمەتێکی دیکەی ناوەندە ئەمنیەتییەکاندا 5 كەسی سەر بە ئێران دەسبەسەر كراون و لە ماڵەكانیان مادەی تەقینەوە و هێندێك كەلوپەلی دروستكردنی بۆمب، چەكی ساردو گەرم لەم ماڵانەدا دەستیان بەسەرداگیراوە.
بەحرەین ئەمە یەكەم جار نییە كە ڕێژیمی ئێران بە دەستێوەردان لە كاروباری وڵاتان تاوانبار دەكا. وەزارەتی دەرەوەی بەحرەین حەوتوویەك لەوەپێش دوو كەسی دیكەی پێوەندیدار بە ئێرانەوە دەسبەسەر كرد.
بەحرەین هاوكات لەگەڵ دەسپێكی گۆڕانكاریی ناوچەیی لە ساڵی 2011 كە بە بەهاری عەرەبی ناوی دەركرد بە پشتیوانیی عەرەبستان توانیی شیعەكانی وڵاتەكەی سەركوت بكا. دەسبەسەركرانی نەبیل ڕەجەب، لێكۆلەری بواری مافەكانی مرۆڤ و ئەستاندنەوەی هاووڵاتیبوونی عیسا قاسم، مامۆستای شیعە و ڕاگرتنی چالاكییەكانی “حەشیمەتی وەفاق” لە ماوەی چەند مانگی ڕابردوودا، چەند نموونە لە بڕیارەکانی وڵاتی بەحرەین بۆ بەرەنگاربوونەوەی دەستێوەردانی ئێران لە كاروباری نێوخۆیی وڵاتەکەی بووە.