حکومەتی هەرێمی کوردستان لە بەیاننامەیەکدا هەڕەشەکانی پاسدار حوسێن سەلامی، جێگری فەرماندەی سپای پاسدارانی مەحکوم کرد.
حكومەتی هەرێمی كوردستان لەو بەیاننامەیەدا دەڵێ ئێمە بە توندی ئەو هەڕەشە نابەجێیەی پاسدار سەلامی رەت دەكەینەوەو بە هەڵوێستێكی نەگونجاوی دەبینین لەگەڵ پەیوەندیی لەمێژینەو دۆستانەی نێوان حكومەتی هەرێمی كوردستانو كۆماری ئیسلامیی ئێران.
لە بەیاننامەکەی حکومەتی هەرێمی کوردستاندا هاتووە کە ئەو هەڕەشەیە بە تەواوی پێچەوانەی سرووشتی ئەو وتووێژانە بووە كە لەنێوان هەردوولاماندا هەبووەو بە هیچ شێوەیەك ئەو هەڕەشانە خزمەتی پەیوەندییەكانمان ناكەنو نابێ بە هیچ شێوەیەك ئەو زمانە بەرامبەر هەرێمی كوردستان بەكار بهێندرێ.
جێی بیرهێنانەوەیە کە پاسدار حوسین سەلامی، جێگری فەرماندەی سپای پاسدارانی کۆماری ئیسلامی ئێران هەڕەشەی ئەوەی لە بەرپرسانی هەرێمی کوردستان کرد کە پێبەندی بەڵێنەکانیان بنو رایگەیاند: هەر شوێنێک کە سەرچاوەی مەترسی بێ بۆ سەر کۆماری ئیسلامی ئێران، بەبێ هیچ دوودڵییەک خاپووری دەکەین.
