جێگری وەزیری دەرەوەی ئامریكا بۆ كاروباری ئەمنیەتی نێودەوڵەتی، وێڕای ئاماژە بەم بابەتە كە ئێران‌و سووریە لە كڕیارانی سەرەكیی پیشەسازیی نیزامیی كۆرەی باكوورن، داوای پچڕانی پێوەندییە نیزامییەكانی ئەم وڵاتەی لەگەڵ “پیوونگ یانگ”ی كردوە.
توماس كانتریمەن، جێگری وەزیری دەرەوەی ئامریكا لە كۆنفرانسی هاوینیی ڕێكخراوی توێژینەوەكانی كۆرەیئه_ ئامریكایی‌دا گوتی: واشینگتۆن داوا لە وڵاتانی دیكە دەكا دەسەڵاتی خۆیان لە ئێران‌و سووریەدا بە كار بێنن تا ئەو دوو وڵاتە هەموو پێوەندییە نیزامییەكانیان لەگەڵ كۆرەی باكوور بپچڕێنن.
لە مانگی مارس‌دا، شوورای ئەمنیەتی ڕێكخراوی نەتەوە یەكگرتووەكان بە تێكڕای دەنگ بڕیارنامەیەكیان پەسند كرد كە بە پێی ئەم بڕیارنامەیە گەمارۆی قورس بەسەر كۆرەی باكووردا سەپێندراو ئەوە بەشێك لە هەوڵە نێودەوڵەتییەكان بۆ جیا كردنەوەی كۆرەی باكوور لە تیجارەتی دەرەوە بوو.
كانتریمەن وریایی داوە كە كۆرەی باكوور لە ڕێگەی هەناردەكردنی پیشەسازیی نیزامی بۆ وڵاتانی جیهان توانیویەتی برێکی بەرچاو دراوی جیهانی بۆ وڵاتەکەی ڕاکێشێ‌و ئێران‌و سووریەش لە نێو سەرەكیترین كڕیارەكانی ئەم پیشەسازییەی كۆرەی باكووردا جێیان گرتوە.
