میلیشیاکانی سەر بە گرووپی حكوومەتی ئیسلامی لە ماوەی سێ حەوتووی ڕابردوودا پاش دەسپێكی عەمەلیاتی هێزەكانی دێمۆكراتیكی سووریە بۆ ئەستاندنەوەی مەنبەج لە پارێزگای حەلەب، ٩٠٠ هاووڵاتیی كوردیان بە دیل گرتوە.
شەڕفان دەروێش، وتەبێژی “هێزەكانی دێمۆكراتیكی سووریە”، وێڕای پشتڕاستكردنەوەی ئەو هەواڵە ڕایگەیاندوە كە ئەم هەوڵەی داعش بە تۆڵەی پەلامارەكانی هێزەكانی دێمۆكراتیكی سووریە بۆ سەر مەنبەج بووە.
هێزەكانی دێمۆكراتیكی سووریە بەرەیەكە كە لە گرووپە كورد، عەرەب، ئاشووری، ئەرمەنی و توركمانەکان پێك هاتووەو لایەنێکی شەڕی نێوخۆیی سووریەیە کە لەلایەن ئامریكاوە پشتگیری دەكرێ.
ئەم هێزانە لە ماوەی چەند حەوتووی ڕابردوودا لە دەوروبەری شاری مەنبەج عەمەلیاتێكیان کردو مەبەست لەم عەمەلیاتە پچڕانی پێوەندیی تەداروكاتیی نێوان شاری ڕەقە پێتەختی ناڕەسمیی داعش لە سووریەو سنوورەكانی توركیە بووە.
شایانی ابسە بە دیل گیرانی ٩٠٠ هاووڵاتیی بێدیفاعی كورد لە لایەن هێزەكانی داعشەوە، لە مانگێك پاش دەسپێكی عەمەلیاتی ئەم هێزانە لە دەوروبەری مەنبەج ڕووی داوە. وتەبێژی هێزە دێمۆكراتیكەكان دەڵێ هەر كات داعش شكستی خواردوە، ئەوە بۆ تۆڵە ئەستاندنەوە پەلاماری خەڵكی سڤیل‌و مەدەنی دەدا.
