هەواڵدەریی تەسنیم سەر بە سپای پاسداران ڕایگەیاندوە كە سەرەڕای تێپەڕینی ساڵێك بە سەر رێککهوتنی ئهتومیدا، بهڵام تا ئێستاش تاقە دۆلارێك له پاره بلوکهکراوهکانی ئێران نههاتۆتهوه وڵات.
پاش ڕێككەوتنی ژنێڤ له نێوان ئێرانو وڵاتانی ١+٥ لە ڕێكەوتی ٣ی سەرماوەزی ساڵی ٩٢ ڕاگەیەندرا كە ئێران لە بەرامبەر قبووڵكردنی كۆمەڵە بەربەستێكی گرینگ لە بەردەم بەرنامەی ناوكیی خۆیدا، تا ئەم كاتەی كە بە دوایین ڕێككەوتن دەگەن، بڕی ٤ میلیارد و ٢٠٠ میلیۆن دۆلار لە دارایی بلۆكەكراوی خۆی وەردەگرێ. هەروەها پاش ڕێككەوتنی سەرەكیش لە ڤیەن ڕاگەیەندرا كە ئێران سەرجەم ١٠٠ میلیارد لە داراییەكانی خۆی بە دەست دەگاتەوە.
هەواڵدەریی تەسنیم هاوكات لەگەڵ وەبیرهێنانەوەی ئەم بابهته نووسیویەتی که ئێستا زیاتر لە ساڵێك و ٦ مانگ بەسەر ڕێككەوتنی ژنێڤو نزیكەی ساڵێكیش بەسەر ڕێككەوتنامەی ڤیەندا تێدەپەڕێ، بەم حاڵەش بەپێی دوایین هەواڵو زانیارییەكان دەركەوتوە كە تاقە یهک دۆلاریش لەم ماڵو داراییانە لە ڕێگەی سیستمی بانكییەوە بۆ كۆماری ئیسلامی نەنێردراونەتەوەو بەربەستەكانی بانكی ناوەندیی ئێران لەم بوارەوە بە كردەوە هاوشێوەی سەردەمی پێش دانووستانە ناوكییەكانەو هیچ گۆڕانكارییەكی بەسەردا نەهاتوە.
لەم ڕاپۆرتەدا هەروەها هاتوە كە كۆمەڵێك لە كاربەدەستانی ڕێژیم بۆ كاردانەوە لە بابەت ئەم مەسەلە ڕایانگەیاندوە داراییەكانی ئێران ئازاد كراونو لە حیسابەكانی بانكی ناوەندی لە سویس یا لە وڵاتی عومانن، بەم حاڵەش ڕاستییەكە ئەوەیە كە دەوڵەتی ئێران بەهۆی گەمارۆی دۆلاریو بانكی، تا ئێستا نەیتوانیوە تاقە دۆلارێكیش لەم پارەیە لەڕێگەی سەودا ڕەسمییە بانكییەكان بگەڕێنێتەوە سەر حیسابی خۆی.
