سەرەڕای تێپەڕینی ٢٧ ساڵ بە سەر دەسپێكی پرۆژەی ئاسنەڕێی ڕۆژاوای ئێران، تا ئێستاش ئهم پرۆژەیە له بهشی کرماشاندا جێبەجێ نەكراوە.
نوێنەری پاوەو هەورامان لە مەجلیس لە سەركۆمار دەپرسێ خەڵكی كرماشان كەی دەنگی فیكەی قەتار دەبیسن؟
شەهاب نادری وێڕای هێنانە بەر باسی ئەم مەسەلە دەڵێ لە ماوەی ئەم ساڵانەدا بەهۆی “لابی” كۆمەڵە كەسێك بوودجەی ئاسنەڕێی ڕۆژاوا بۆ ناوچەكانی دیكەی ئێران تەرخان دەكراو بەشێكی یەكجار كەم لەم بوودجەیە وەبەر كرماشان دەكەوت. هەروەها بەهۆی نەبوونی بوودجە وەڕێ كەوتنی ئاسنەڕێی ڕۆژاوا زۆر بە خاوی دەچووە پێش، ئەوەندە خاو كە سەرەڕای تێپەڕینی ٢٧ ساڵ ئەم قەتارە هەر نەگەیشته كرماشان.
ئەم نوێنەرەی مەجلیس دهڵێ پرۆژەی ئاسنەڕێی ڕۆژاوای ئێران یەكێك لە داوا سەرەكییەكانی خەڵكی كرماشان لە کاتی سەفەری هەیئەتی دەوڵەت بۆ ئەم پارێزگایە دهبێ.
