سەرۆكی كۆڕی نوێنەرانی پارێزگای سنە لە مەجلیسی شورای ئیسلامی ڕەخنەی لە زۆرییپڕۆژە نیوەچڵەكانی ئاوەدانكردنەوەی ئەم پارێزگایە گرتو گوتی خەڵكی سنە هێشتا چاوەڕوانیی بەڵێنییەكانی حەسەن ڕۆحانین كە تا ئێستا جێبەجێ نهکراون.
مەنسوور مرادی لە كۆبوونەوەی ئاشكرای مەجلیس لە وتاری نێوان دەستووری خۆیدا پەسندكرانی ناوچەی ئازادی تجاریی بانەو مەریوانی بە یەكێك لە داوا جیددیهکانو بە مافی خەڵكی ئەم ناوچەیەی زانیو بە ئەمنیەتی بەردەوامیی سنوورەكانی كوردستانی ناوبرد.
مرادی لە درێژەی قسەكانی خۆیدا ڕوو بە سەركۆماری گوتی، خەڵكی کوردستان لە هەڵبژاردنی خولی دەیەمی سەركۆماری بههۆی دروشمەكانی جهنابتان به تایبهت دوای بەیاننامەی ١٠ مادەیی نەتەوەو مەزهەبهکان دەنگی سەرووی سەدی ٧٠یان پێدایو، بەپێی بەڵێنییەكانت قەراربوو “گرووپی كار” بۆ دواکهوتنهکانی کوردستان له گهشهو ئاوهدانیو تهرخانکردنی بوودجەی قەڵمەباز بۆ سنە پێك بێنن، بەڵام تا ئێستاشی لەگەڵ بێ بەكردەوە هیچ هەنگاوێكی بۆ هەڵنەهێنراوەتەوە.
ناوبراو وێڕای هێنانە بەر باسی ئەم بابەتە كە زۆریی پرۆژە نیوەچڵەكانی ئاوەدانكردنەوە لە كوردستان، گرفتێكی زۆریان ساز كردوە، گوتی ئەگەرچی ئاماری بێكاریی لاوانی ئەم پارێزگایە زۆر لە سەرێیە، بەڵام بەپێی ڕاگەیاندنی كاربەدەستانی پلەبەرزی پارێزگا لە بەشی ئاوەدان كردنەوەدا ١٥٦٤ پرۆژەی نیوەتەواو هەیە كە بۆ بە تهواوکردنیان بڕی ٩ هەزار میلیارد تمەن بوودجە پێویستەو بەو كەمە بوودجەیەی ساڵانەی ئەو پارێزگایە، هیچ كام لەم پرۆژانە بە ئەنجام ناگەنو سێبەری بێبەشی لەسەر ئەم پارێزگایە هەر دەمێنێ.