لە ماوەی ٢ حەوتووی ڕابردوودا ٢٥ یەكەی سێنفیی بەهاییەكانی شاری ورمێ پلۆمپ كراون.
هاووڵاتییەكی بەهایی دانیشتووی تاران، كە دوکانی خزمەكانی لە ورمێ پلۆمپ كراوە، لە لێدوانێكدا بۆ بی بی سی، وێڕای ڕاگەیاندنی ئەم هەواڵە گوتی لە ڕێكەوتی 5ی جۆزەردانەوە دەستیان كردوە بە ڕووبەڕوو بوونەوە و تەنگ پێ هەڵچنینی بەهاییەكان.
ئەم هاووڵاتییە بەهاییە پێداگری كردەوە ڕووبەڕوو بوونەوە لەگەڵ بەهاییەكان پاش ئەوە هاتۆتە ئاراوە كە، لە كۆتاییەكانی مانگی بانەمەڕ، بەبێ هیچ ڕوون كردنەوەیەك بە خاوەن دوکانه بەهاییەكانیان ڕاگەیاندبوو كە لە ڕێكەوتێكی دیاریكراودا ئەم یەكانە پلۆمپ دەكرێن.
ناوبراو لە درێژەدا گوتی وێدەچێ هۆكاری پلۆمپكرانی ئەم یەكە سینفییانە، داخرانی ئەوان لە ڕۆژەكانی جێژنی بەهاییاندا بێ كە بە شێوەیەك وەك ڕاكێشانی سەرنج و پڕوپاگەندە كردن لێكیان داوەتەوە.
بەپێی قسەكانی ئەم هاووڵاتییە بەهاییە خاوەنانی ئەم یەكە پلۆمپ كراوانە بۆ بەدواداچوونی كێشەی خۆیان سەردانی ناوەندگەلێكی جیاوازی وەك یەكیەتییە سینفییەكان، شارەداری، فەرمانداری و ئیدارەی ئەماكینی هێزی ئینتزامییان كردوە، بهڵام هیچكام لەم ناوەندانەی كە ئەو بەهاییانە سەردانیان كردوون، بەرپرسایەتی بڕیاردان لە بابەت پلۆمپكرانی یەكە سینفییەكانی بەهاییانی ورمێیان وەئەستۆ نەگرتوە.
